Online Arthik
पाल्पा सिमेन्ट इण्डष्ट्रिजको आईपीओ बाँडफाँड सम्पन्न भएको छ। कम्पनीको आईपीओ आज बिक्री प्रबन्धक नबिल इन्भेष्टमेन्ट बैंकिङ लिमिटेडको नक्सालस्थित कार्यालयमा बाँडफाँड गरिएको हो।
कम्पनीको आईपीओमा २४ लाख १३ हजार ५१७ जनाले २ करोड ६३ लाख १० हजार ९७० कित्ताका लागि आवेदन दिएका थिए। जसमध्ये ३६ हजार ८१२ जनाको ४ लाख ४८ हजार ५५० कित्ताका लागि परेको आवेदन बदर भएको छ।त्यस्तै, २३ लाख ७६ हजार ७०५ जनाको २ करोड ५८ लाख ६२ हजार ४२० कित्ताका लागि परेको आवेदन सदर भएको छ। कुल सदर आवेदनमध्ये ४५ लाख कित्ता सेयर बाँडफाँड गरिएको कम्पनीले जनाएको छ।
बाँडफाँडअनुसार ४ लाख ५० हजार आवेदकले १० कित्ताका दरले सेयर प्राप्त गरेका छन्। यसक्रममा १९ लाख २६ हजार ७०५ आवेदक भने सेयर प्राप्त गर्नबाट वञ्चित भएका छन्।
