विराटनगर महानगरपालिकामा शुक्रबार राति १२ बजेबाट लागू हुने गरी दुई हप्ता लकडाउन गर्ने घोषणा गरेको छ । प्रदेश १ का सामाजिक विकास मन्त्रालयले स्थानीय तहहरुलाई आवश्यकता अनुसार लकडाउन गर्ने निर्णय शुक्रबार गरेपछि महानगरले घोषणा गरेको हो ।

महानगरकी उपप्रमुख इन्दिरा कार्कीले समुदायस्तरमै कोरोना संक्रमण फैलिसकेकाले नियन्त्रणका लागि प्रदेश सरकारको समन्वयमा दुई हप्ताको लागि लकडाउन घोषण गरिएको बताइन् ।

‘कडाईका साथ लकडाउन पालना गराउने र सीमा क्षेत्रमा लुकिछिपी ओहोर दोहोर गर्नेलाई पूर्ण रुपमा निषेध गर्न स्थानीय प्रशासनसँग समन्वय गरिएको छ,’ उनले भनिन्, ‘लकडाउन अवधिमा पीसीआर परीक्षणको दायरा बढाएर कोरोना नियन्त्रण गर्ने नीति महानगरले लिएको छ ।’ संक्रमित बढेसँगै महानगरमा क्वारैन्टाइनको संख्यासमेत थप्ने निर्णय भएको उनले बताइन् ।

तपाईको प्रतिक्रिया