रिलायन्स लाइफ इन्सुरेन्सले आइपीओ बाँडफाँट भएको छ । बिक्री प्रबन्धक सानिमा क्यापिटलले फेसबुक लाइभ मार्फत बाँडफाँट गरेको हो । रीतपूर्वक आवेदन दिने अरुले १० कित्ताका दरले सेयर पाएका छन् । बिक्री प्रबन्धक सानिमा क्यापिटलका अनुसार यो आइपीओमा ५ लाख ८९ हजार ४६४ जनाले आवेदन दिएका छन् । जसमा १ हजार ९५५ जनाको आवेदन रद्द भएको छ । यसमा ५ लाख ६७ हजारले १० कित्ताका दरले सेयर पाएका छन्। यसमा २० हजार ५०९ जना सेयर पाउनबाट बञ्चित भएका छन् ।

रिलायन्सले भदौ ४ गतेबाट ८ गतेसम्म १०० रुपैयाँ दरको ६३ लाख कित्ता आइपीओ बिक्री खुला गरेको थियो । जसमा बिक्रीमा ल्याएको कुल ६३ लाख कित्ता आइपीओमध्ये ५% अर्थात ३ लाख १५ हजार सामूहिक लगानी कोषलाई र समान ५% अर्थात ३ लाख १५ कित्ता कर्मचारीलाई छुट्याइएको थियो । बाँकी रहेको ५६ लाख ७० हजार कित्तामा मात्र सर्वसाधारणले आवेदन दिन सक्ने व्यवस्था थियो ।

हाल रिलायन्सको चुक्ता पुँजी १ अर्ब ७० करोड रुपैयाँ रहेको छ । आइपीओ बिक्रीपछि यसको चुक्ता पुँजी २ अर्ब १० करोड रुपैयाँ पुग्नेछ ।

रिजल्ट अनलाईनआर्थिक.डटकम मा

तपाईको प्रतिक्रिया