नेपाल स्टक एक्चेञ्ज (नेप्से)मा एकै दिन दुई नयाँ रेकर्ड कायम भएको छ । मंसिर ७ गते झण्डै ७ अर्बको कारोबार भएर नयाँ रेकर्ड कायम गरेको नेप्सेमा साताको अन्तिम दिन आज (बिहिबार) साढे ७ अबै बढीको कारोबार भएर अर्को नयाँ रेकर्ड कायम भएको छ । आज नेप्सेमा ७ अर्ब ६१ करोड ३० लाख ३० हजार ९१ रुपैयाको कारोबार भएको छ ।

त्यस्तै आज शेयर बजारले इतिहासकै सर्वाधिक उचाइ कायम गरेको छ । ३ वर्ष लगातार घटेको शेयर बजार आज बिहीबार सर्वाधिक उचाइमा पुगेको हो । बिहीबार नेप्से सूचकले पुरानो रेकर्डलाई तोड्दै नयाँ रेकर्ड उचाइमा पुगेको हो । आज नेप्से १८. ३२ अंकले बढेर एक हार ८ सय ९३ दशमलब २४ विन्दुमा पुगेको छ ।

नेप्सेका अनुसार आज कारोबार भएका कूल १२ उपसमूहमध्ये आज ५ वटा उपसमूहको शेयर बढेको छ भने बाँकी ७ वटा उपसमूहको शेयर घटेको छ ।

तपाईको प्रतिक्रिया