प्रभु बैंक लिमिटेडले चुक्ता पूँजीको १० प्रतिशत बोनस शेयर शेयरधनीको हितग्राही खतामा जम्मा गरेको छ ।

बैंकको पुस २६ गते सम्पन्न १९ औं वार्षिक साधारण सभाबाट पारित भएको एक्त बोनस शेयर धितोपत्रको दोस्रो बजारमा कारोबार मिल्नेगरी फागुन १९ गते नेप्सेमा सूचीकरण भएको थियो ।

बैंकले साधारण सभाका लागि शेयर दाखिला खारेजी गरेको दिन अर्थात पुस १० गतेसम्म शेयर अभौतिकीकरण गराएका शेयरधनीहरुको हितग्राही खातामा बोनस जम्मा गरेको हो ।

सो मितिपछि शेयर अभौतिकीकरण गराएका शेयरधनीलाई भने क्रमशः बोनस शेयर जम्मा गर्दै जाने बैंकले जनाएको छ । यस्तै हालसम्म काजगजी शेयर धारण गरेका शेयरधनीहरुलाई यथाशीघ्र शेयर अभौतिकीकरण गराई बोनस शेयर प्राप्त गर्न बैंकले अनुरोध गरेको छ ।

बैंकको शेयर रजिष्ट्रार प्रभु क्यापिटल लिमिटेड रहेको छ ।

तपाईको प्रतिक्रिया