नेपाल स्टक एक्सचेञ्ज (नेप्से)मा साताको कारोबारको चौथो दिन आज बुधबार हरियाली छाएको छ । केहि दिन यता निरन्तर गिरावट आएको नेप्सेमा आज भने दोहोरो अंकले बढेको हो ।

आज नेप्से ५०.५८ अंकले बढेर दुई हजार ६ सय ६५ दशमलब ९४ विन्दुमा पुगेको हो । त्यस्तै, आज ५ अर्ब २ करोड ८५ लाख बराबरको कारोबार भएको छ । आज कारोबार भएका सबै समूह बढेका छन् ।

आज कारोबार भएका कम्पनीमध्ये आठ कम्पनीको शेयरमूल्यमा उच्च बृद्धि भएको छ । शेयरमूल्य बढ्ने कम्पनीहरुमा अपि पावर कम्पनी, ग्रिन डेभलपमेन्ट बैंक, मनकामना स्मार्ट लघुवित्त, युनाइटेड इदी मर्दी हाइड्रोपाव, कालिका पावर कम्पनी, हिमालयन उर्जा कम्पनी, कालिका लघुवित्त र छ्याङदी हाइड्रोपावर कम्पनी रहेका छन् । आज यी कम्पनीको शेयरमूल्य सर्किट लेभलमा बढेको छ ।

नेप्सेका अनुसार आज मेगा बैंक, युनिलिभर नेपालका कम्पनीका लगानीकर्ताले सर्वाधिक गुमाएका छन् । यी कम्पनीको शेयरमूल्य आज ३ प्रतिशत भन्दा बढीले घटेको छ । त्यस्तै, कारोबारको आधारमा आज सबैभन्दा बढी अपी पावर कम्पनी भएको छ । यस कम्पनीको आज २२ करोड भन्दा बढीको कारोबार भएको छ ।

तपाईको प्रतिक्रिया