नेशनल लाइफ इन्स्योरेन्स कम्पनी लिमिटेडले दोस्रो त्रैमाससम्म कम्पनीले ७ अर्ब ५३ करोड रुपैयाँ खुद बीमाशुल्क आर्जन गरेको छ। गत वर्ष यही अवधिसम्म कम्पनीले ६ अर्ब ७९ करोड रुपैयाँ खुद बीमाशुल्क आर्जन गरेको थियो। यो हिसाबले समीक्षा अवधिमा कम्पनीको बीमाशुल्क आर्जन १०.८४ प्रतिशतले बढेको छ।

समीक्षा अवधिसम्म कम्पनीले लगानी कर्जा तथा अन्यबाट हुने आयबापत २ अर्ब १२ करोड रुपैयाँ आर्जन गरेको छ। गत वर्ष यही अवधिसम्ममा यस्तो आय १ अर्ब ६९ करोड रुपैयाँमा सीमित थियो। गत वर्ष यही अवधिमा २ करोड ३ लाख रुपैयाँ पुनर्बीमा कमिसन आय आर्जन गरेकोमा समीक्षा अवधिमा बढेर २ करोड २६ लाख रुपैयाँ भएको छ।

यो अवधिसम्म कम्पनीको खुद दाबी भुक्तानी ४४.८४ प्रतिशतले बढेर ३ अर्ब ७२ करोड पुगेको छ। गत वर्ष यही अवधिसम्म कम्पनीले २ अर्ब ५६ करोड दाबी भुक्तानी गरेको थियो।

दोस्रो त्रैमाससम्म कम्पनीले २२ करोड ७३ लाख रुपैयाँ खुद नाफा आर्जन गरेको छ। यो नाफा गत वर्षको यही अवधिको तुलनामा ५७.७० प्रतिशतले बढी हो। गत वर्ष यही अवधिसम्म कम्पनीले १४ करोड ४१ लाख रुपैयाँ खुद नाफा आर्जन गरेको थियो।

कम्पनीको व्यवस्थापन खर्च घटेको छ। गत वर्ष यही अधिवसम्म कम्पनीको व्यवस्थापन खर्च ५१ करोड ५२ लाख रुपैयाँ रहेकोमा समीक्षा अवधिमा घटेर ४५ करोड २१ लाख रुपैयाँमा झरेको छ।

कम्पनीको जीवन बीमा कोषको आकार १८.९५ प्रतिशतले बढेर ५६ अर्ब १५ करोड रुपैयाँको भएको छ। गत वर्ष यही अवधिमा जीवन बीमा कोषमा ४७ अर्ब २१ करोड रुपैयाँ रहेको थियो।

गत वर्ष १ अर्ब १ करोड रुपैयाँको रहेको कम्पनीको जगेडा तथा कोषको आकार ७३.६७ प्रतिशतले घटेर २६ करोड ६५ लाख रुपैयाँमा खुम्चिएको छ। महाविपत्ति जगेडाको आकार भने ३१ करोड २३ लाख रुपैयाँबाट बढेर ३७ करोड २० लाख रुपैयाँको भएको छ।

हालसम्म कम्पनीको कुल कायम रहेको बीमालेखको संख्या १७ लाख २ हजार २७९ रहेको छ। गत वर्ष यही अवधिसम्म यो संख्या १० लाख ८२ हजार ४७६ रहेको थियो।

कम्पनीको वार्षिकीकृत प्रतिसेयर आम्दानी (ईपीएस) बढेर ९.८० रुपैयाँ पुगेको छ। गत वर्ष यही अवधिमा ईपीएस ८.५० रुपैयाँ रहेको थियो। प्रतिसेयर नेटवर्थ ११३.७६ रुपैयाँ रहेको कम्पनीको पीई अनुपात ६५.९२ गुणा रहेको छ।

 

तपाईको प्रतिक्रिया