Online Arthik
नेपाल वेयरहाउजिङ कम्पनीले सार्वजनिक गरेको चालु आर्थिक वर्ष २०८०/८१ को अपरिष्कृत वित्तीय विवरण अनुसार कम्पनीले ९ करोड २१ लाख २१ हजार १११ रुपैयाँ घाटा व्यहोरेको हो । गत आर्थिक वर्षको सोहि अवधिमा भने कम्पनीको घाटा २ करोड ९९ लाख ९ हजार ३७४ रुपैयाँ थियो ।
समीक्षा अवधिमा कम्पनीको आम्दानी वृद्धि भएको छ । कम्पनीले यो अवधिसम्म ६६ लाख १७ हजार बढी आम्दानी गरेको छ । अघिल्लो आवको सोहि अवधिमा कम्पनीले ३२ लाख ४६ हजार बढी आम्दानी गरेको थियो ।
कम्पनीको खर्च १२२ प्रतिशतले बढेको छ । अघिल्लो आवमा ४ करोड ४२ लाख रहेको कम्पनीको खर्च दोस्रो त्रैमाससम्ममा बढेर ९ करोड ८७ लाख रुपैयाँ पुगेको छ ।
कम्पनीको प्रतिसेयर आम्दानी १३.४० रुपैयाँ ऋणात्मक,प्रतिसेयर बजार मूल्य ७९१.३० रुपैयाँ,मूल्य आम्दानी अनुपात ५९.०५,प्रतिसेयर नेटवर्थ ९७.२३ रुपैयाँ कायम भएको छ ।
