आज बिदाको दिन सेयर कारोबार नहुने

आज घोडेजात्राको अवसरमा सेयर बजार बन्द हुने भएको छ । सरकारले काठमाडौं उपत्यकामा सार्वजनिक विदा दिएकाले आज चैत २६ गते सोमबार सेयर कारोबार नहुने भएको हो । केन्द्रीय राजधानी काठमाडौं रहेको र सेयर बजार सञ्चालक नेप्से कार्यालय पनि राजधानीमै सीमित भएकाले काठमाडौंमा सार्वजनिक विदा हुँदा देशभर सेयर कारोबार बन्द हुँदै आएको छ ।
साथै, काठमाडौं उपत्यकाको बैंक–वित्तीय संस्था र सार्वजनिक कार्यालय पनि बन्द हुनेछन् । अब सेयर बजार मंगलबार चैत २७ गते बिहान ११ बजे खुल्नेछ । आइतबार बजार २२।७५ अंकले बढेर २०२६।८१ अंकमा बन्द भएको थियो ।