Online Arthik
नेशनल लाइफ इन्स्योरेन्सले संस्थापक सेयर लिलामीमार्फत बिक्रीमा राखेको छ ।
स्वदेशी सेक्युरिटिज् एण्ड इन्भेष्टमेन्ट प्रालिले आफ्नो स्वामित्वमा रहेको १५ हजार ९४५ कित्ता सेयर आजदेखि लिलामीमा राखेको हो ।
इच्छुक लगानीकर्ताले आगामी वैशाख २१ गतेसम्म गोप्य शिलबन्दी बोलपत्र पेस गर्नुपर्नेछ। सेयरको न्यूनतम मूल्य २२५ रुपैयाँ निर्धारण गरिएको छ । यो सेयर खरिदका लागि जो कोहि व्यक्ति तथा कम्पनीले बोलपब आवेदन पेश गर्न सक्नेछन् ।
बोलपत्र पेस गर्दा लगानीकर्ताले आफूले लिन चाहेको सेयर संख्या, प्रतिकित्ता दररेट अंक र अक्षरमा स्पष्टसँग लेख्नुपर्छ। लगानीकर्ताले सेयर खरिदका लागि बोलपत्र पेस गर्दा न्यूनतम २ हजार कित्ता र अधिकतममा सम्पूर्ण कित्ताका लागि खरिद आवेदन दिन सक्नेछन्।
निष्कासन तथा बिक्री प्रबन्धकमा एनआईसी एशिया क्यापिटल लिमिटेड रहेको छ। बोलपत्र आवेदन काठमाण्डौको बबरमहलस्थित एनआईसी एशिया क्यापिटलको कार्यालयमा आईपुग्ने गरी बुझाउन सकिनेछ।
