नेपाल बीमा प्राधिकरणद्वारा साझा बसमा बीमा सम्बन्धी सन्देश भएका स्टिकर टाँस्न शुरू

नेपाल बीमा प्राधिकरणले साझा यातायातसँगको सहकार्यमा बीमा सम्बन्धी सन्देशहरूलाई सार्वजनिक रूपमा व्यापक रूपले प्रचार गर्ने उद्देश्यले आज ललिपुरको पुल्चोकस्थित साझा यातायातको कार्यालयमा काठमाडौं उपत्यकाका विभिन्न रूटमा संचालित साझा यातायातका बसहरूमा बीमा सम्बन्धी सन्देशहरू रहेका स्टिकरहरू टाँसिएका छन् ।

बीमा सम्बन्धी जनचेतना अभिवृद्धिका कार्यक्रमलाई प्रभावकारीरूपले अगाडि बढाउँदै जाने क्रममा साझा यातायातका बसहरूमा बीमा सन्देशहरू उल्लेखित स्टिकरहरू टाँस्ने कार्य शुरू गरिएको नेपाल बीमा प्राधिकरणका उपनिर्देशक कुन्दन सापकोटाले जानकारी दिए ।