Online Arthik
सन नेपाल लाइफ इन्स्योरेन्स कम्पनीले गत आव २०७९/८० का लागि प्रस्ताव गरेको २३.८० प्रतिशत बोनस सेयर र १.२५२६ प्रतिशत नगद लाभांश(कर प्रयोजनका लागि) गरी कुल २५.०५२६ प्रतिशत लाभांश सुरक्षित गर्ने आज अन्तिम दिन रहेको छ।
लाभांश वितरण प्रयोजनका लागि कम्पनीले भोलि(वैशाख २७ गते) एक दिनका लागि बुक क्लोज गर्ने निर्णय गरेकाले आजसम्म कायम सेयरधनीहरु मात्रै कम्पनीद्वारा प्रस्तावित लाभांश प्राप्त गर्न र साधारण सभामा सहभागी हुन योग्य ठहरिनेछन्।
यो लाभांश कम्पनीको आगामी जेठ ९ गते आयोजना हुने कम्पनीको ७ औं वार्षिक साधारण सभाबाट पारित गरी सेयरधनीलाई वितरण गरिनेछ।
