Online Arthik
कुमारी क्यापिटलले दुई वटा म्युचुअल फण्डको लाभांश घोषणा गरेको छ । योजना व्यवस्थापन कुमारी क्यापिटलले कुमारी सामुहिक लगानी कोष अन्तर्गत सञ्चालित दुई योजनाको प्रतिफल घोषणा गरेको हो ।
भदौ १० गते बसेको कुमारी क्यापिटलको सञ्चालक समितिको बैठकले कुमारी इक्वीटी फण्ड र कुमारी धनबृद्धि योजनाका इकाईधनीहरुलाई प्रतिफल वितरण गर्ने भएको हो ।
कम्पनीले कुमारी इक्वीटी फण्डका इकाईधनीहरूलाई कर सहित ९.५० प्रतिशत अर्थात् ९ करोड ५० लाख रुपैयाँ बराबर नगद लाभांश वितरण गर्ने भएको हो ।
यस्तै कुमारी धनबृद्धि योजनाका इकाईधनीहरुलाई ९.५० प्रतिशत अर्थात् ११ करोड ६३ लाख ८१ हजार ८९६ रुपैयाँ नगद लाभांश वितरण गर्ने भएको हो ।
