Online Arthik
बुधबार दोधारा चाँदनी नगरपालिकास्थित ईलाका प्रहरी कार्यालय दोधारा चाँदनीको नवनिर्मित भवनको उद्घाटन गर्दै मन्त्री लेखकले दोधारा चाँदनीलाई त्रिदेशीय नाकाका रुपमा विकास गरी देशको सबैभन्दा ठूलो नाकाका रुपमा विकास गर्ने बताउनुभएको छ ।
उहाँले भन्नुभयो, ‘महाकाली नदीमा चार लेनको पक्की पुल बनिसकेको छ अब दोधारा चाँदनीमा सुख्खा बन्दरगाह निमार्ण हुन्छ । यो नाकालाई भारत र चीनसँग जोडेर देशकै ठूलो नाकाका रुपमा विकास गर्छौँ ।’
उहाँले निकट भविष्यमा नै दार्चुलाको तिंङकरमा अध्यागमन कार्यालय स्थापना गर्ने तयारीमा रहेको बताउँदै तिंङकरबाट नै मानसरोवर यात्राका लागि सुनिश्चितता हुने बताउनुभयो । ‘उद्योग, व्यापार वाणिज्य, पर्यटन सबैका लागि महत्वपूर्ण नाकाका रुपमा दोधारा चाँदनीलाई विकास गर्छौँ । त्यसै गफ गरेको होइन, उहिले उहिले महाकालीमा झोलुङ्गे पुल बनाउँछौँ भन्दा हास्ने गरेको मैले सुन्या छु अहिले महाकालीमा चार लेनको पक्की पुल बनेको छ, गरेपछि त बन्दो रहेछ त ।’
त्यसैगरी, उहाँले संसदमा भएका दुई ठूला दलहरु बीच सहमति भएर नयाँ राजनितिक समीकरण बनेकोले मुलुकमा सुशासन कायम हुने विश्वास व्यक्त गर्नुभयो ।
तीनदिने भ्रमणमा गृहजिल्ला पुग्नुभएका मन्त्री लेखकले कञ्चनपुरका बाढी प्रभावित क्षनेत्रको स्थलगत अवलोकनसमेत गर्नुभएको छ ।
