Online Arthik
अघिल्लो दिन ५ हजार ७ सय रुपैयाँले बढेको सुनको मूल्य आज पनि क्रमश बढेको छ ।
अघिल्लो दिनको तुलनामा आज सुनको मूल्य ३ हजार ९ रुपैयाँले बढेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ८५ हजार रुपैयाँमा खरिदबिक्री भईरहेको छ ।
यससँगै सुनको मूल्य लगातार ३ दिन बढेको छ ।
अघिल्लो दिन सुनको मूल्य प्रतितोला १ लाख ८१ हजार १ सय रुपैयाँ कायम थियो । उक्त दिन सुनको मूल्यमा ५ हजार ७ सयको बढोत्तरी आएको थियो ।
गत बुधबार पनि सुनको मूल्य २ हजार रुपैयाँले बढेको थियो । यसरी तीन दिनको अवधिमा सुन ११ हजार ६ सय रुपैयाँले महङ्गिएको छ । अन्तर्राष्ट्रिय बजारमा उछाल आउदा त्यसको प्रत्यक्ष प्रभाव नेपाली बजारमा समेत परेको हो । यतिबेला अन्तररराष्ट्रिय बजारमा सुनको मूल्य ३ हजार २१५ डलरमा कारोबार भईरहेको छ ।
यो दिन चाँदीको भाउ पनि बढेको छ । अघिल्लो दिन प्रतितोला १ हजार ९ सय रुपैयाँ रहेको चाँदीको भाउ आज ५ रुपैयाँले बढ्दै प्रतितोला १ हजार ९०५ रुपैयाँ कायम भएको छ ।
