सुनको मूल्यले कायम गर्यो नयाँ रेकर्ड

स्थानिय बजारमा सुनको मूल्यले नयाँ रेकर्ड कायम गरेको छ। शुक्रबारको कारोबारमा मूल्य बढेसँगै सुनको भाउ किर्तिमानी उचाइमा पुगेको हो। नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार ६ सय रुपैयाँले बढेर २ लाख १५ हजार ८ सय रुपैयाँमा पुगेको छ। यसअघि प्रतितोला २ लाख १४ हजार ७ सय रुपैयाँ नै सुनको उच्चतम मूल्य रहेकोमा आज नयाँ कीर्तिमान बनेको हो। अघिल्लो दिन भने सुन प्रतितोला २ लाख १४ हजार २ सय रुपैयाँमा कारोबार भएको थियो। यस्तै, आज चाँदीको मूल्य पनि प्रतितोला ६० रुपैयाँले बढ्दै २ हजार ५६५ रुपैयाँमा कारोबार भइरहेको महासंघले जनाएको छ।