Online Arthik
दरमखोला हाइड्रो इनर्जी लिमिटेडको सामूहिक लगानी कोषका लागि सुरक्षित गरिएको सेयरको लक–इन अवधि आगामी माघ महिनामा समाप्त हुने भएको छ। कम्पनीका अनुसार सामूहिक लगानी कोषतर्फ सुरक्षित गरिएको १ लाख ४५ हजार ९७५ कित्ता सेयरको लक–इन अवधि माघ २८ गते समाप्त हुन लागेको हो।
उक्त सेयर सर्वसाधारणमा आईपीओ बाँडफाँड भएको मितिले ६ महिनासम्म लक–इनमा राखिएको थियो। कम्पनीले गत साउन १५ गतेदेखि साउन १९ गतेसम्म सर्वसाधारणका लागि जारी पूँजीको २८.३३ प्रतिशत बराबरको २९ लाख १९ हजार ५ सय कित्ता साधारण सेयर निष्काशन गरेको थियो।
कम्पनीको उक्त आईपीओ साउन २९ गते बाँडफाँड गरिएको थियो। लक–इन अवधि समाप्त भएपछि सामूहिक लगानी कोषको नाममा रहेको उक्त सेयर कारोबारका लागि खुला हुनेछन्।
