अरब मुलुकतर्फका नियमित उडान आइतबार पनि रद्द

अरब मुलुकका लागि नेपालबाट हुने नियमित विमान उडान आइतबार पनि रद्द भएका छन्। नेपाल नागरिक उड्डयन प्राधिकरण का अनुसार जजिरा एयरवेज, एयर अरेबिया सारजाह, एयर अरेबिया अबुधाबी, कतार एयरवेज र फ्लाइ दुबईका उडान रद्द भएका हुन्। प्राधिकरणका सूचना अधिकारी ज्ञानेन्द्र भुलका अनुसार अरब मुलुकमा विकसित युद्ध तनावका कारण नियमित उडान सञ्चालन हुन नसकेको हो र आइतबारका निर्धारित उडानसमेत स्थगित गरिएको छ। उनका अनुसार नेपाल आउने र नेपालबाट जाने दुवैतर्फका उडान प्रभावित भएका छन्, जसबाट करिब १ हजार ६ सय यात्रु प्रभावित बनेका छन्। संयुक्त अरब इमिरेट्स, कतार लगायतका मुलुकमा आक्रमणपछि विमानस्थलहरू बन्द गरिएकाले उडान अवरुद्ध भएको जनाइएको छ। साथै संयुक्त राज्य अमेरिका र इजरायल को आक्रमणमा परी आयातोल्ला अली खामेनी को तेहरानमा हवाई हमलाबाट मृत्यु भएको उल्लेख गरिएको छ, जसका कारण क्षेत्रीय सुरक्षा अवस्था थप तनावग्रस्त बनेको बताइएको छ।