Online Arthik
युनाइटेड मोदी हाइड्रोपावर लिमिटेडले विगतका आर्थिक वर्षहरूमा वितरण गरिएको तर हालसम्म पनि नबुझिएको नगद लाभांश दाबी गर्न सम्बन्धित सेयरधनीहरूलाई आग्रह गरेको छ। कम्पनीले सार्वजनिक सूचना जारी गर्दै आर्थिक वर्ष २०७३/७४, २०७४/७५, २०७५/७६ र २०७६/७७ को नगद लाभांश पाँच वर्षसम्म पनि दाबी नगरिएका कारण उक्त रकम कम्पनी ऐन, २०६३ तथा लगानीकर्ता संरक्षण कोष व्यवस्थापन तथा सञ्चालन कार्यविधि, २०७३ बमोजिम लगानीकर्ता संरक्षण कोषमा जम्मा गर्नुपर्ने अवस्था आएको जनाएको छ। कम्पनीले सूचना प्रकाशित भएको मितिले ३५ दिनभित्र आवश्यक कागजातसहित सेयर रजिस्ट्रार सिटिजन्स क्यापिटल लिमिटेडमा सम्पर्क गरी बाँकी रहेको नगद लाभांश प्राप्त गर्न सम्बन्धित सेयरधनीहरूलाई अनुरोध गरेको छ। तोकिएको अवधिभित्र दाबी नगरिएमा उक्त लाभांश रकम लगानीकर्ता संरक्षण कोषमा स्थानान्तरण गरिने कम्पनीले जनाएको छ। साथै, हालसम्म सेयर अभौतिकीकरण नगरेका सेयरधनीहरूलाई सेयर अभौतिकीकरण गराउन तथा हितग्राही खातामा बैंक खाताको विवरण अद्यावधिक नभएकाहरूलाई आवश्यक विवरण अद्यावधिक गर्न समेत कम्पनीले आग्रह गरेको छ।
