सुनचाँदीको मूल्य फेरि बढ्यो, प्रतितोला सुन २ लाख ८८ हजार ५०० रुपैयाँ

स्थानीय बजारमा आज पनि सुनचाँदीको मूल्य वृद्धि भएको छ। नेपाल सुनचाँदी व्यवसायी महासंघका अनुसार छापावाला सुनको मूल्य प्रतितोला २ लाख ८८ हजार ५०० रुपैयाँ कायम भएको छ, जुन अघिल्लो दिनको तुलनामा १ हजार ४०० रुपैयाँ बढी हो। आइतबार सुन प्रतितोला २ लाख ८७ हजार १०० रुपैयाँ मा कारोबार भएको थियो। त्यसैगरी, १० ग्राम सुनको मूल्य २ लाख ४७ हजार ३४० रुपैयाँ पुगेको छ, जुन अघिल्लो दिन २ लाख ४६ हजार १४० रुपैयाँ रहेको थियो। यता, चाँदीको मूल्य पनि प्रतितोला ३५ रुपैयाँ ले बढेर ४ हजार ४४५ रुपैयाँ कायम भएको छ। अन्तर्राष्ट्रिय बजारमा सुनचाँदीको मूल्यमा आएको उतारचढाव, अमेरिकी डलरको अवस्था तथा माग–आपूर्तिको प्रभावका कारण नेपाली बजारमा पनि सुनचाँदीको मूल्यमा परिवर्तन भएको महासंघले जनाएको छ।