नेपाल स्टक एक्सचेञ्ज (नेप्से)मा कारोबारको पहिलो दोस्रो दिन आज सोमबार झिनो अंकको बृद्धि आएको छ । आज नेप्से १.४७ अंकले बढेर तीन हजार एक सय ९ दशमलब ६० विन्दुमा पुगेको छ ।

नेप्सेका अनुसार आज १४ अर्ब १३ करोड ३७ लाख बराबरको कारोबार भएको छ । आज कारोबार भएका पाँच समूहको बढेका छन् भने अन्य सबै समूह घटेका छन् ।

त्यस्तै, आज कारोबार भएका कम्पनीमध्ये ६ कम्पनीको शेयरमूल्य १० प्रतिशतले बढेको छ । शेयरमूल्यमा सर्किट लाग्ने कम्पनीहरुमा आईसीएफसी फाइनान्स कम्पनी, कर्पोरेट डेभलपमेन्ट बैंक, हिमालयन पावर पार्टनर, नेपाल हाइड्रो डेभलपर्श, युनियन हाइड्रोपावर लिमिटेड, जीवन विकास लघुवित्त वित्तिय संस्था रहेका छन् । यी कम्पनीको शेयरमूल्य आज १० प्रतिशतले बढेको छ ।

त्यसैगरि, कारोबारको आधारमा आज सबैभन्दा बढी अरुण भ्याली हाइड्रोपावर डेभलपमेन्ट कम्पनीको भएको छ । यस कम्पनीको आज करिब ६७ करोडको कारोबार भएको छ ।

तपाईको प्रतिक्रिया