आशा लघुवित्तको दोस्रो त्रैमाससम्म खुद नाफा १२ करोड ५५ लाख, ४३१% वृद्धि

आशा लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्ममा १२ करोड ५५ लाख रुपैयाँ खुद नाफा आर्जन गरेको छ, जुन अघिल्लो वर्षको सोही अवधिको २ करोड ३६ लाख रुपैयाँको तुलनामा ४३१.५४ प्रतिशतले बढी हो। संस्थाको मुनाफामा वृद्धि मुख्यतया खुद ब्याज आम्दानी बढ्नु र इम्पेयरमेन्ट चार्ज घट्नुका कारण भएको हो। यस अवधिसम्म खुद ब्याज आम्दानी ३८ करोड ७४ लाख रुपैयाँ पुगेको छ, जुन अघिल्लो वर्षको ३४ करोड १ लाख रुपैयाँको तुलनामा १३.९२ प्रतिशतले बढी हो। इम्पेयरमेन्ट चार्ज १३ करोड ८ लाख रुपैयाँबाट घटेर ७ करोड ९२ लाख रुपैयाँमा सीमित भएको छ। संस्थाको खुद शुल्क तथा कमिशन आम्दानी पनि बढेर ४ करोड ९४ लाख रुपैयाँबाट ६ करोड ४० लाख रुपैयाँ पुगेको छ। रिटेन्ड अर्निङ ११०० प्रतिशतले बढेर १ करोड १ लाख रुपैयाँबाट १२ करोड १७ लाख रुपैयाँ पुगेको छ भने रिजर्भको आकार ३४ करोड १३ लाख रुपैयाँबाट बढेर ३४ करोड ४४ लाख रुपैयाँ पुगेको छ। निक्षेप संकलन २ अर्ब ९८ करोड रुपैयाँबाट ३ अर्ब ५५ करोड रुपैयाँ पुगेको छ भने कर्जा प्रवाह ९ अर्ब ८६ करोड रुपैयाँबाट १० अर्ब ८० करोड रुपैयाँ पुगेको छ। संस्थाको खराब कर्जा अनुपात ४.९२ प्रतिशतबाट बढेर १०.१५ प्रतिशत पुगेको छ। वितरणयोग्य मुनाफा १२ करोड १७ लाख रहेको छ, जुन अघिल्लो वर्षको तुलनामा ११००.८२ प्रतिशतले बढी हो भने लाभांश क्षमता १.३८ प्रतिशतबाट बढेर १५.१७ प्रतिशत पुगेको छ। समीक्षा अवधिसम्म संस्थाको प्रतिसेयर आम्दानी ३१.२९ रुपैयाँ, प्रतिसेयर नेटवर्थ १५८.०८ रुपैयाँ, प्रतिसेयर कुल सम्पत्तिको मूल्य १,४६२.९३ रुपैयाँ, मूल्य-आम्दानी अनुपात ३७.२३ गुणा र तरलता अनुपात ७.४६ प्रतिशत कायम भएको छ। यस प्रदर्शनले आशा लघुवित्तको मुनाफा वृद्धि र वित्तीय स्थिति मजबुत रहेको देखाउँछ।