Online Arthik
प्रिमियम विद्युतीय गाडी ब्रान्ड फोर्थिङ को नेपालका लागि आधिकारिक विक्रेता लक्ष्मी ई-मोबिलिटी प्रा. लि. ले ‘फोर्थिङ एक्सचेन्ज फेस्ट’ आयोजना गर्ने घोषणा गरेको छ। कम्पनीका अनुसार काठमाडौंको थापाथली (नेपाल राष्ट्र बैंकको पारी) मा चैत ६ देखि ८ गतेसम्म, अर्थात् २० मार्चदेखि २२ मार्च २०२६ सम्म यो फेस्ट सञ्चालन हुनेछ।
यस सीमित अवधिको एक्सचेन्ज फेस्टमार्फत ग्राहकहरूले आफ्नो पुरानो सवारी साधन साटेर नयाँ फोर्थिङ शुक्रबार ई वि मा अपग्रेड गर्ने अवसर पाउनेछन्। कार्यक्रमको उद्देश्य दिगो र प्रिमियम मोबिलिटीतर्फ ग्राहकलाई आकर्षित गर्नु रहेको कम्पनीले जनाएको छ।
फेस्ट अन्तर्गत ग्राहकहरूले कुल ७ लाख रुपैयाँसम्म बचत गर्न सक्ने विभिन्न सुविधा उपलब्ध हुनेछन्। जसमा पुरानो सवारीको प्रतिस्पर्धात्मक मूल्याङ्कनसहित एक्सचेन्ज बोनस, नयाँ गाडी खरिदमा नगद छुट, एक वर्षको अटो प्लस बीमा, एक वर्षको सडक कर तथा नि:शुल्क स्पेयर टायर र एसी चार्जर समावेश छन्।
कम्पनीका अनुसार ‘फोर्थिङ एक्सचेन्ज फेस्ट’ केवल प्रवर्द्धनात्मक कार्यक्रम मात्र नभई ग्राहकलाई प्रिमियम विद्युतीय सवारी अपनाउने विशेष अवसर हो।
फोर्थिङ चीनको सरकारी अटो निर्माता डोङफेङ मोटर समूह अन्तर्गतको डोङफेङ लिउझाउ मोटर कं लिमिटेड को प्यासेन्जर भेहिकल ब्रान्ड हो। लक्ष्मी ग्रुपअन्तर्गत रहेको लक्ष्मी ई-मोबिलिटी प्रा. लि. नेपालमा शुक्रबारको कुरा इ.वि को आधिकारिक विक्रेता हो।
