Online Arthik
महासंघका अनुसार गत शुक्रबारको तुलनामा आइतबार छापावाल सुनको मूल्य प्रतितोला १ हजार २०० रुपैयाँले बढेको छ। यससँगै सुनको मूल्य प्रतितोला २ लाख ९३ हजार २०० रुपैयाँ पुगेको छ। अब उपभोक्ताले एक तोला सुन खरिद गर्न सोही रकम खर्च गर्नुपर्ने भएको छ।यसअघि शुक्रबार पनि सुनको मूल्यमा एकैदिन ५ हजार ३ सय रुपैयाँले वृद्धि भएको थियो। उक्त दिन छापावाल सुन प्रतितोला २ लाख ९२ हजार रुपैयाँमा कारोबार भएको थियो। सुनसँगै चाँदीको मूल्यमा पनि वृद्धि भएको छ। महासंघका अनुसार आइतबार चाँदीको मूल्य प्रतितोला ५५ रुपैयाँले बढेर ४ हजार ८९५ रुपैयाँ पुगेको छ। गत शुक्रबार चाँदी प्रतितोला ४ हजार ८४० रुपैयाँमा कारोबार भएको थियो।यस्तै, आज १० ग्राम सुनको मूल्य २ लाख ५१ हजार ३७० रुपैयाँ निर्धारण गरिएको महासंघले जनाएको छ। अन्तर्राष्ट्रिय बजारमा बहुमूल्य धातुको मूल्यवृद्धिको प्रभाव नेपाली बजारमा पनि देखिएको व्यवसायीहरू बताउँछन्।
