Online Arthik
नेपाल टेलिकम ले नयाँ वर्ष २०८३ को अवसरमा आफ्ना प्रिपेड तथा पोस्टपेड मोबाइल ग्राहकहरूका लागि विशेष “नयाँ वर्ष अफर २०८३” सार्वजनिक गरेको छ। यस अफर अन्तर्गत “न्यु इयर लाइट” र “न्यु इयर प्रिमियम” गरी दुई प्रकारका डेटा प्याकेज उपलब्ध हुनेछन्। न्यु इयर लाइट प्याकेज रु. ४९९ मा प्रतिदिन ५ जीबी डाटा प्रदान गरिनेछ, र उक्त सीमा पूरा भएपछि बाँकी समय २ एमबीपीएस स्पिडमा अनलिमिटेड डाटा प्रयोग गर्न सकिनेछ। त्यस्तै, न्यु इयर प्रिमियम प्याकेज रु. ६९९ मा प्रतिदिन १० जीबी डाटा उपलब्ध हुनेछ, र सीमा नाघेपछि ३ एमबीपीएस स्पिडमा अनलिमिटेड डाटा चलाउन सकिनेछ। दुवै प्याकेजको मान्य अवधि ३० दिन रहनेछ र यी अफरहरू २०८२ चैत ३० देखि २०८३ वैशाख २ गतेसम्म खरिद गर्न सकिने व्यवस्था गरिएको छ। पोस्टपेड प्रयोगकर्ताहरूका लागि प्याकेज शुल्क मासिक रेन्टलमै समावेश गरिनेछ। ग्राहकहरूले यो अफर प्राप्त गर्न मोबाइलबाट 141511# डायल गर्न वा नेपाल टेलिकम एपमार्फत सजिलै प्याकेज खरिद गर्न सक्नेछन्।
