Online Arthik
नेपाल इन्फ्रास्ट्रक्चर बैंक लिमिटेड (निफ्रा)ले आर्थिक वर्ष २०८२/८३ को मुनाफाबाट सेयरधनीलाई ५.२६३२ प्रतिशत नगद लाभांश वितरण गर्ने प्रस्ताव गरेको छ।
भदौ १४ गते बसेको कम्पनीको सञ्चालक समितिको बैठकले चुक्तापुँजी २१ अर्ब ६० करोड रुपैयाँको ५.२६३२ प्रतिशत अर्थात् १ अर्ब १३ करोड ६८ लाख ५१ हजार २ सय रुपैयाँ नगद लाभांश वितरण गर्ने प्रस्ताव गरेको हो। प्रस्तावित रकममा लाभांश करसमेत समावेश छ। कम्पनीका अनुसार आर्थिक वर्ष २०८२/८३ को वित्तीय विवरणअनुसार कायम वितरणयोग्य मुनाफाबाट उक्त लाभांश प्रस्ताव गरिएको हो।सञ्चालक समितिको निर्णयअनुसार प्रस्तावित लाभांश स्वीकृतिका लागि नेपाल राष्ट्र बैंकसमक्ष पठाइनेछ। राष्ट्र बैंकबाट स्वीकृति प्राप्त भएपछि बैंकको साधारणसभाबाट लाभांश वितरणसम्बन्धी प्रस्ताव पारित गर्नुपर्नेछ।
त्यसपछि कम्पनी ऐन, २०६३ को दफा १८२ को उपदफा (२) बमोजिम नेपाल सरकार, अर्थ मन्त्रालयको स्वीकृति प्राप्त भएपछि मात्र प्रस्तावित लाभांश सेयरधनीलाई वितरण गरिने कम्पनीले जनाएको छ।
