सिद्धार्थ क्यापिटलले सार्वजनिक निष्कासन गरेको खुलामुखी सिद्धार्थ व्यवस्थित लगानी योजनाको इकाई बाँडफाँट गरेको छ । क्यापिटलले असार १६ गतेदेखि २० गतेसम्म २ करोड इकाई विक्री गरेको थियो । उक्त अवधिभित्र रितपूर्वक आवेदन दिने आवेदकहरुलाई साउन ७ गते बिहीवार इकाई बाँडफाँट गरिएको क्यापिटलले जानकारी दिएको हो ।

क्यापिटलले खुला मुखी योजनाको इकाई विक्री पश्चात बाँडफाँट गरेको हो । योजनाको शुरुको आकारको ५ प्रतिशत इकाई योजना व्यवस्थापक सिद्धार्थ क्यापिटल लिमिटेड र १० प्रतिशत इकाई कोष प्रबद्र्धक सिद्धार्थ बैंक लिमिटेडले बिज पूँजीको रुपमा लगानी गरेका छन् ।

खुला मुखी यस योजनाको कुल इकाई सर्वप्रथम सार्वजनिक रुपमा जारी गरी बाँडफाँट भैसकेपछि खुद सम्पत्ति मूल्यको आधारमा पुनर्खरीद गर्न सकिने व्यवस्था छ । तोकिएको प्रतिइकाई मूल्यमा योजना व्यवस्थापक वा योजना व्यवस्थापकले तोकिएका इकाई विक्रेता मार्फत दैनिक खुद सम्पत्ति मूल्य गणना गरी सो मूल्यलाई इकाई पुनर्खरिद तथा विक्री मूल्यका रुपमा लिई इकाईको निरन्तर विक्री तथा पुनर्खरीद गरिनेछ ।

प्रतिइकाई १० रुपैयाँ अंकित मूल्यको यो इकाई खरिदका लागि न्यूनतम १०० कित्तादेखि अधिकतम २० लाख कित्तासम्म आवेदन दिन सकिने व्यवस्था थियो । क्यापिटललकै व्यवस्थापनमा सञ्चालन हुने गरी यो खुलामुखी योजनाको यस इकाई विक्रीका लागि नेपाल धितोपत्र बोर्डबाट जेठ २७ गते स्वीकृति पाएको थियो ।

तपाईको प्रतिक्रिया