नेपाल स्टक एक्सचेञ्ज (नेप्से) मा एनएमबि क्यापिटलले व्यवस्थापन गरेका दुई फण्डको इकाईमूल्य समायोजन भएको छ। यस दिन एनएमबि हाइब्रिड फण्ड एल १ र एनएमबि ५० को इकाईमूल्य समायोजन भएको हो।

यस दिन नेप्सेले एनएमबि हाइब्रिड फण्ड एल १ को २० प्रतिशत नगद लाभांश समायोजन गरेको हो भने एनएमबि ५० को ३० प्रतिशत नगद लाभांश समायोजन गरेको हो।

समायोजनपश्चात एनएमबि हाइब्रिड फण्ड एल १ को इकाई मूल्य ११ रुपैयाँ ८० पैसा कायम भएको छ भने एनएमबि ५० को १२ रुपैयाँ ५३ पैसा कायम भएको छ।

नेप्सेले अघिल्लो कारोबार दिनको अन्तिम मूल्यका आधारमा इकाईमूल्य समायोजन गरेको हो। बिहीबार एनएमबि हाइब्रिड फण्ड एल १ को इकाई प्रतिकित्ता १३ रुपैयाँ ८० पैसामा अन्तिम कारोबार भएको थियो। त्यस्तै, सो दिन एनएमबि ५० को प्रतिकित्ता १५ रुपैयाँ ५३ पैसामा अन्तिम कारोबार भएको थियो।

साथै नेप्सेमा दुई जलविद्युत कम्पनीको शेयरमूल्य समायोजन भएको छ। यस दिन अपि पावर र ङादी ग्रुप पावरको शेयरमूल्य समायोजन भएको हो।

यस दिन नेप्सेले अपि पावर कम्पनी को १०.५ प्रतिशत बोनस शेयर समायोजन गरेको हो। समायोजनपश्चात कम्पनीको शेयरमूल्य ४७८ रुपैयाँ ७३ पैसा कायम भएको छ।

त्यसैगरी, यस दिन ङादी ग्रुप पावर को २० प्रतिशत बोनस शेयर समायोजन भएको छ। समायोजनपश्चात कम्पनीको शेयरमूल्य ८०७ रुपैयाँ ५० पैसा कायम भएको छ।

नेप्सेले अघिल्लो कारोबार दिनको आधारमा शेयरमूल्य यि दुबै कम्पनीको शेयरमूल्य समायोजन गरेको हो। अघिल्लो कारोबार दिन अर्थात बिहीबार अपि पावरको शेयर प्रतिकित्ता ५२९ रुपैयाँमा अन्तिम कारोबार भएको थियो भने ङादी ग्रुपको ९६९ रुपैयाँमा अन्तिम कारोबार भएको थियो।

अपिले भदौ २५ गते, आफ्नो प्रधान कार्यालय, ट्रेड टावर थापाथलीमा अठारौँ वार्षिक साधारण सभा डाकेको छ। सो सभा भर्चुअल माध्यम जुम एप मार्फत सञ्चालन गरिनेछ। सो सभा बिहान ११ बजे शुरु हुनेछ।

सभाले आर्थिक वर्ष २०७७/७८ को खुद मुनाफाबाट चुक्ता पूँजीको १०.५ प्रतिशत बोनस शेयर वितरण गर्ने, सोको कर प्रयोजनार्थ ०.५५ प्रतिशत नगद लाभांश वितरण गर्ने, बोनस शेयर वितरणपश्चात कायम चुक्ता पूँजीको १ बराबर ०.३९३६ अनुपातमा हकप्रद शेयर निष्काशन गर्ने विशेष प्रस्ताव पारित गर्नेछ।

यसका साथै हकप्रद शेयर जारी गर्ने कार्य गर्दा विद्युत नियमन आयोग, नेपाल धितोपत्र बोर्ड, नेपाल स्टक एक्सचेञ्ज, कम्पनी रजिष्ट्रारको कार्यालय लगायत नियमनकारी निकायमा आवश्यक कार्य गर्न कम्पनीको सञ्चालक समितिलाई अख्तियारी दिने लगायतका प्रस्तावहरु पारित गर्नेछ।

त्यस्तै, ङादी ग्रुपले असोज ३ गते, क्वीन्स क्याफे, अनामनगर, काठमाडौँमा आठौँ वार्षिक साधारण सभा डाकेको छ। सो सभा बिहान ९ बजे शुरु हुनेछ।

सभाले आर्थिक वर्ष २०७७र७८ को खुद मुनाफाबाट चुक्ता पूँजीको २० प्रतिशत बोनस शेयर वितरण गर्ने, सोको कर प्रयोजनार्थ १.०५ प्रतिशत नगद लाभांश वितरण गर्ने, बोनस शेयर वितरणपश्चात कायम चुक्ता पूँजीको १ बराबर २ अनुपातमा हकप्रद शेयर निष्काशन गर्ने विशेष प्रस्ताव पारित गर्नेछ।

यसका साथै अन्य जलविद्युत कम्पनीलाई प्राप्ती गर्ने, बझाङ अपर सेती हाइड्रोपावर प्रोजेक्ट ७०.४० मेगावाटको सर्वेक्षण अनुमति पत्रको लागि आवेदन दिएको र सो सम्बन्धमा भए गरेका प्रगति विवरणहरु सभालाई जानकारी गराउने र थप आवश्यक कार्यका लागि सञ्चालक समितिलाई अख्तियारी दिने प्रस्ताव पनि पारित गर्नेछ।

तपाईको प्रतिक्रिया