सुनको भाउ बढ्यो, चाँदीको घट्यो

लगातार घटिरहेको सुनको भाउ साताको अन्तिम कारोबार दिन शुक्रबार थोरै उकालो लागेको छ। नेपाल सुनचाँदी व्यवसायी महासंघका अनुसार आज सुनको भाउ तोलामा १०० रुपैयाँले बढेको हो। योसँगै प्रतितोला फाइन गोल्ड ९० हजार ९०० रुपैयाँ र तेजाबी गोल्ड ९० हजार ४०० रुपैयाँ कायम भएको छ।

आज चाँदीको भाउ तोलामा १० रुपैयाँले घटेर १ हजार १९५ रुपैयाँ कायम भएको छ। हिजो तोलामा १० रुपैयाँ बढेर चाँदी १ हजार २०५ रुपैयाँमा कारोबार भएको थियो।