Online Arthik
घोराही सिमेन्ट इन्डस्ट्री लिमिटेडले आव २०८१/८२ का लागि कुल १०.५२६३ प्रतिशत लाभांश वितरण गर्ने घोषणा गरेको छ, जसअन्तर्गत १० प्रतिशत बोनस सेयर र कर प्रयोजनका लागि ०.५२६३ प्रतिशत नगद लाभांश प्रस्ताव गरिएको छ। मंसिर १२ गते बसेको सञ्चालक समितिको बैठकले पारित गरेको उक्त प्रस्ताव अनुमोदन गर्न कम्पनीले पुस १४ गते दाङस्थित होटल पौवामा बिहान ९ बजेबाट सुरु हुने पाँचौं वार्षिक साधारण सभा आह्वान गरेको छ। सभामा चौथो साधारण सभाबाट पारित ७५ प्रतिशत हकप्रद सेयर जारी गर्ने प्रस्ताव प्रक्रियामा रहेको र बोनस तथा हकप्रद सेयर जारी गरेपछि हुने चुक्ता पुँजीअनुसार प्रबन्धपत्र संशोधन गर्ने प्रस्ताव समेत प्रस्तुत गरिनेछ। साथै, वार्षिक प्रतिवेदन, लेखापरीक्षकको प्रतिवेदनसहितका वासलात, नाफा–नोक्सान, नगद प्रवाह विवरण लगायतका वित्तीय प्रतिवेदनहरू छर्लङ्ग पारेर अनुमोदन गर्ने, कम्पनीको कारोबार विवरण स्वीकृत गर्ने, तरलता व्यवस्थापनका लागि संस्थापक सेयरधनीबाट सापटी रकम माग गर्ने, चालु आवका लागि लेखापरीक्षक नियुक्ति तथा पारिश्रमिक निर्धारण गर्ने तथा संस्थापक समूह तर्फबाट सञ्चालकहरूको निर्वाचन गर्ने प्रस्तावहरू पनि सभामा पेश गरिनेछ। साधारण सभा तथा लाभांश प्रयोजनका लागि कम्पनीले मंसिर ২৬ गते एक दिनका लागि बुक क्लोज गर्ने निर्णय गरेको छ, जसअनुसार मंसिर २५ गतेसम्म नेप्सेमा कारोबार गरी नाम दर्ता गराएका सेयरधनीहरू मात्र लाभांश प्राप्ति तथा सभामा सहभागिताका लागि योग्य हुनेछन्।
