Online Arthik
सिटिजन लाइफ इन्स्योरेन्स कम्पनीले एमडीआरटी–२०२६ सम्मान तथा प्रशिक्षण कार्यक्रम भव्य रूपमा सम्पन्न गरेको छ। कार्यक्रममा कुल ७० जना ‘सिटिजन लिडर’हरूलाई सम्मान गरिएको थियो, जसमा ६७ जना एमडीआरटी, २ जना सीओटी तथा १ जना टीओटी क्वालिफायर रहेका थिए। साथै सिनियर एजेन्सी म्यानेजर, उत्कृष्ट कार्यसम्पादनका आधारमा छनोट भएका शाखा प्रमुख तथा क्षेत्रीय प्रमुखहरूको पनि उल्लेखनीय सहभागिता रहेको थियो।
कार्यक्रमको मुख्य उद्देश्य उत्कृष्ट कार्यसम्पादन गर्ने लिडरहरूलाई सम्मान गर्नुका साथै आगामी व्यवसायिक लक्ष्य, रणनीति र योजनाबारे स्पष्ट दिशानिर्देश प्रदान गर्नु रहेको कम्पनीले जनाएको छ। सहभागीहरूलाई सशक्त बनाउन विशेष प्रशिक्षण सत्रसमेत आयोजना गरिएको थियो।
सेल्स कोच तथा मोटिभेशनल स्पीकर Dr. Rabin Kattel ले विशेष प्रशिक्षण सत्र सञ्चालन गर्दै बिक्री कौशल, नेतृत्व विकास र लक्ष्य प्राप्तिका व्यावहारिक उपायबारे प्रशिक्षण दिएका थिए।
कार्यक्रममा कम्पनीका प्रशिक्षण विभाग प्रमुख कुबेर पाठक, प्रमुख वित्तीय अधिकृत गोपाल पंगेनी, प्रमुख बजार व्यवस्थापन अधिकृत भूषण रिमाल तथा प्रमुख कार्यकारी अधिकृत पोषकराज पौडेलले आ–आफ्नो प्रस्तुति तथा मार्गदर्शन प्रदान गरेका थिए।
समापन समारोहमा प्रमुख कार्यकारी अधिकृत पौडेलले कम्पनीको निरन्तर प्रगति र सफलताको प्रमुख आधार सिटिजन लिडरहरूको समर्पण, प्रतिबद्धता र उत्कृष्ट कार्यसम्पादन रहेको उल्लेख गर्दै सम्पूर्ण सहभागीहरूलाई धन्यवाद ज्ञापन गरे। उनले आगामी दिनहरूमा अझै उच्च उपलब्धि हासिल गर्ने विश्वास व्यक्त गरे।
कम्पनीका अनुसार एमडीआरटी–२०२६ कार्यक्रम भव्य, प्रभावकारी तथा पूर्ण रूपमा सफल भएको छ। यस्ता कार्यक्रमहरूले लिडरहरूलाई थप उत्प्रेरणा प्रदान गर्नुका साथै व्यवसाय विस्तार र व्यक्तिगत क्षमताको अभिवृद्धिमा महत्वपूर्ण योगदान पुर्याउने विश्वास कम्पनीले लिएको छ।
