अर्थ समितिको बैठक आज बस्दै, मौद्रिक नीतिका विषयमा विज्ञसँग छलफल हुने

संघीय संसद्अन्तर्गतको अर्थ समितिको बैठक आज सिंहदरबारस्थित समितिको सभाकक्षमा बस्दैछ। संसद् सचिवालयका अनुसार बैठक बिहान ११ बजे सुरु हुनेछ।

बैठकमा आगामी आर्थिक वर्ष २०८३/८४ को मौद्रिक नीतिमा समावेश गर्नुपर्ने विषयहरूबारे विज्ञ तथा सरोकारवालासँग छलफल गरिनेछ।

यससँगै समितिसँग सम्बन्धित समसामयिक विषयहरूमा पनि छलफल हुने संसद् सचिवालयले जनाएको छ।