Online Arthik
बोटलर्स नेपालका दुवै कम्पनीले चालु आर्थिक वर्ष २०८३/८४ को पहिलो त्रैमासमा खुद नाफा बढाएका छन्। बोटलर्स नेपाल (बालाजु) को खुद नाफा ६.४४ प्रतिशतले वृद्धि भएर ३४ करोड २४ लाख २४ हजार रुपैयाँ पुगेको छ भने बोटलर्स नेपाल (तराई) को खुद नाफा २६.९४ प्रतिशतले बढेर ३४ करोड ७५ लाख ९१ हजार रुपैयाँ पुगेको छ। गत आर्थिक वर्षको सोही अवधिमा बालाजुले ३२ करोड १६ लाख ७४ हजार रुपैयाँ र तराईले २७ करोड ३८ लाख ५३ हजार रुपैयाँ खुद नाफा कमाएका थिए।
बोटलर्स नेपाल (बालाजु) ले असोज मसान्तसम्म ३ अर्ब ७७ करोड १२ लाख २४ हजार रुपैयाँ सञ्चालन आम्दानी गरेको छ, जुन गत वर्षको सोही अवधिको ३ अर्ब ६९ करोड ११ लाख ८० हजार रुपैयाँभन्दा बढी हो। कम्पनीको कुल नाफा १ अर्ब १५ करोड ९१ लाख ९७ हजार रुपैयाँ र सञ्चालन नाफा ४१ करोड ३० लाख ६० हजार रुपैयाँ पुगेको छ। गत वर्ष यी रकम क्रमशः १ अर्ब १५ करोड ६८ लाख १२ हजार र ४१ करोड १८ लाख ६४ हजार रुपैयाँ थिए। कम्पनीको प्रतिसेयर आम्दानी ६०८ रुपैयाँबाट बढेर ६३७ रुपैयाँ पुगेको छ भने मूल्य आम्दानी अनुपात २३ गुणा र प्रतिसेयर नेटवर्थ ३ हजार ८२० रुपैयाँ रहेको छ। कम्पनीको चुक्ता पुँजी १९ करोड ४८ लाख ८९ हजार रुपैयाँ र जगेडा कोषमा ६ अर्ब ८२ करोड ८० लाख ९१ हजार रुपैयाँ रहेको छ। स्वपुँजीमा प्रतिफल १८.४ प्रतिशत र कुल सम्पत्तिमा प्रतिफल ९.४ प्रतिशत रहेको छ।
त्यस्तै, बोटलर्स नेपाल (तराई) ले समीक्षा अवधिमा २ अर्ब ८३ करोड १५ लाख ७२ हजार रुपैयाँ सञ्चालन आम्दानी गरेको छ, जुन गत वर्षको सोही अवधिको २ अर्ब ६१ करोड ४८ लाख ९२ हजार रुपैयाँभन्दा बढी हो। कम्पनीको कुल नाफा ९२ करोड ५१ लाख ३७ हजार रुपैयाँबाट बढेर ९४ करोड ८६ लाख २७ हजार रुपैयाँ पुगेको छ। तर सञ्चालन नाफा भने गत वर्षको ४२ करोड ४ लाख ९६ हजार रुपैयाँबाट घटेर ३७ करोड ६९ लाख १६ हजार रुपैयाँमा सीमित भएको छ। कम्पनीको प्रतिसेयर आम्दानी ९०५ रुपैयाँबाट बढेर १ हजार १४९ रुपैयाँ पुगेको छ भने मूल्य आम्दानी अनुपात १० गुणा र प्रतिसेयर नेटवर्थ ३ हजार ७६२ रुपैयाँ रहेको छ। कम्पनीको चुक्ता पुँजी १२ करोड १० लाख रुपैयाँ र जगेडा कोष ४ अर्ब ४३ करोड १३ लाख रुपैयाँ रहेको छ। स्वपुँजीमा प्रतिफल ३१ प्रतिशत र कुल सम्पत्तिमा प्रतिफल १४.९ प्रतिशत रहेको छ। यसरी दुवै कम्पनीको नाफा बढे पनि नाफा वृद्धिदरका आधारमा बोटलर्स नेपाल (तराई) अगाडि देखिएको छ।
